سفنكس
أهلا وسهلا عزيزى الزائر منتدى سفنكس يرحب بك


رياضة - فيديو - فوركس - تجارة إلكترونية - أخبار - صور - ترفية - العاب -
 
الرئيسيةالبوابةاليوميةس .و .جالدردشةبحـثالمجموعاتالتسجيلدخول دخول

شاطر | 
 

 موسوعه المكملات الغذائية ألأصلية و المغشوش بالصور و مواعيد الجرعات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohamed
عضو مميز
عضو مميز
avatar

عدد المساهمات : 129
نقاط : 293
تاريخ التسجيل : 05/02/2011

مُساهمةموضوع: موسوعه المكملات الغذائية ألأصلية و المغشوش بالصور و مواعيد الجرعات    الأحد أبريل 24, 2011 2:05 pm

أولا انا عايز افهمك حاجة المكملات ديه مش سحر يعنى ايه ؟ يعنى لو تغذيتك مش سليمة اكيد المكملات مش هتجيب معاك نتيجة لانها مش اساسية و مش محتاجها الا لو تغذيتك ضعيفة
و كمان الابطال دول مش بياخدوا مكملات بس لا منشطات كمان ده غير التمرين و الراحة و التغذية مفيش حاجة لوحدها بتعمل نتيجة
لو تغذيتك سليمة و كافية يبقى هتعمل احلى شغل من غير مكملات احنا بس بناخدها عشان تغذيتنا مش سليمة سليمة بنسبة 100 %
و إحذروا كل اللى بيتباع فى الجيمات المصرية ده مضروب بالنار عشان الكابتن بتاعك عايز يطعله مصلحة عالية يجيب هو الحاجة ب 50 و يبيعها ب 300 و كله سرقة
عايز تعرف اساسيات المكملات ؟ اقولك يا سيدى


اولا:

الواى بروتين:

و ده من افضل انواع البروتينات اللى موجودة دلوقتى و هو بروتين مصل اللبن و سريع الهضم و الامتصاص و فوائده عالية و فيه شركات منتجة كتير و احسن شركة فيهم ايه ؟ اوبتيموم نوتريشن Optimum Nutrition و عملين اصدار جديد من الواى بروتين و هو جولد ستاندارد ده مزودينلك عليه جلوتامين كمان و احماض امينية

طريقة استعماله: سكوب اول ما تصحى من النوم عشان جسمك بيبقى محتاج لبروتين سريع الهضم و سكوب كمان بعد التمرين لنفس السبب و فى ايام الراحة سكوب اول ما تصحى من النوم بس و كله على مياه عشان سرعة الهضم
ممكن تستعمله مدى الحياة مفيش مانع لانه مفيش اضرار من استعماله زيه زى اى مكمل اخر و ده بالذات واخد جوائز بقاله 5 سنين لاحسن مكمل بروتينى

و اادى صورته عشان متتخمش



ثانيا:

الكرياتين:

الكرياتين ده يا سيدى كثرت مواضيع عندنا فى المنتدى و فيها فوائده و فيها كل حاجة عنه الصراحة و الخلاصه انه من الاساسيات و بيدى باور فى التمرين و سبب فى الضخامة لانه بيخزن المياه فى العضلة
و فيه موضوع حلو عنه و اادى اللينك

طريقة استعماله: اول 5 ايام فترة التحميل بتاخد 20 جرام يوميا على مدار اليوم 4 جرعات .. ال 5 جرام = معلقة شاى ممسوحة
5 جرام اول ما تصحى على مياه و 5 جرام قبل التمرين و 5 بعده و 5 قبل النوم و بعد كدة هتاخد 5 جرام قبل التمرين بس .. و ممكن تزود 5 جرام معاهم بعد التمرين كمان لو عايز ضخامة لمدة شهرين و تريح شهر مش عشان مضر لا بس عشان تستفيد منه اكتر يعنى مفيش ضرر لو استمريت على الكرياتين طول حياتك
بس خليك فاكر .. لازم تشرب مياه كتير و انت بتستعمله عشان ميضركش قول مثلا 6 لتر يوميا

و فيه شركات كتير برده بتنتج الكرياتين و لكن افضلهم شركة برولاب و جى ان سى و اادى شكل الكرياتين البرولاب


ثالثا:

المالتى فيتامين:

بص يا سيدى .. المالتى فيتامين ده فوائده كتير اوى الصراحة و لو قعدنا نتلكم مش هنخلص بس انا عملت موضوع عن فوائد الفيتامينات قبل كدة .. خش هنا و اقراه


الفيتامينات و المعادن (تعريفها و اهميتها و اضرار نقصانها و زيادتها)

احسن انواع المالتى فيتامين ايه بقى ؟
عندك يا سيدى انيمال باك ده رائع و سينتروم و ميجا مان و كل واحد مكتوب على ضهر العلبة بتاعته طريقة استعماله لانه ساعات بيختلف عن الانواع الاخرى

و طريقة استعمال انيمال باك: 1 باكت نص ساعة بعد الوجبة اللى قبل تمرينتك يوميا
و شكله اهو



مكملات زيادة الوزن
:


الترو ماس:
ترو ماس من افضل مكملات زيادة الوزن اللى موجودة دلوقتى و واخد جوائز كتير لافضل مكمل لزيادة الوزن و هو بيتكون من كل العناصر الاساسية اللى الجسم بيحتاجها سواء بروتين او كربوهيدرات او دهون او فيتامينات او معادن بعكس مكملات الواى بروتين اللى بتركز اكثر على البروتين فقط

طريقة الاستعمال: 3 سكوب اول ما تصحى و 1 سكوب قبل التمرين بساعة و 2 سكوب بعد التمرين علطول و طبعا كل ده بيتخصم سعراته المكتوبة على العلبة من سعراتك اليومية اللى المفروض تاكلها و قلتلك ازاى فى جزء التغذية

و اادى صورته يا سيدى



السيروس ماس:

برده مكمل رائع لزيادة الوزن من شركة اوبتيموم
طريقة الاستعمال: اول اسبوع: نصف سكوب بعد التمرين علطول و نصف سكوب قبل النوم بساعة .. و فى ايام الراحة نصف سكوب الصبح و نصف سكوب قبل النوم بساعة
و بعد الاسبوع الاول تخليه سكوب فى الجرعة بدل النصف

و اادى صورته برده


ليبو 6 - ليبو 6 اكس - ليبو 6 بلاك:

ال 3 حوارق للدهون و طبعا البلاك اعلاهم قوة و الليبو 6 العادى اقلهم قوة و ارخصهم بس احب افهمك انها مش حبوب المادر السحرى يعنى هتاخدها فى يوم و ليلة هتخس لا طبعا .. لازم كاديو كويس و لازم تغذية سليمة خالية من الدهون عشان تجيب نتيجة برده
و فيه انواع تانية كتير غير دول بس ليبو افضلهم و الجرعة مكتوبة على ضهر علبة كل واحد و انا هكنبلك جرعة العادى
طريقة الاستعمال: اول يومين كبسولة الصبح قبل الفطار بنص ساعة و كبسولة بعد الضهر قبل الاكل بنص ساعة برده
تالت و رابع يوم كبسولة الصبح قبل الفطار بنص ساعة و كبسولتين بعد الضهر
بعد كدة 2 الصبح و 2 بعد الضهر و متزودش عن كدة
و اادى صور المنتجات ال 3





ان او اكسبلود:


برده مكمل لزيادة الباور زى الكرياتين و لكن مفيش مقارنه مبينهم لان الكرياتين مكونات طبيعية موجودة فى اللحوم الحمراء و ال نو اكسبلود عبارة عن نيتروجين بيزودلك ضخ الدم فى العضلة و بيديلك باور فى التمرين و ايضا بيخلى عروقك ظاهرة و واضحة

طريقة استعماله: 1 سكوب قبل التمرين بنص ساعة و فى ايام الراحة 1 سكوب على معدة فاضية ممكن اول ما تصحى من النوم لو مش هيتعارض مع اى مكملات اخرى بتستعملها
الجرعة ممكت تزودها الى 2 او 3 سكوب حسب مستواك

صورته اهى

و فيه انواع اخرى كثيرة من كافة المنتجات و مش كلها شغالة لا بس الشركات بتنتجها و تجيبلك كام بطل منفوخ و يقولك انا بستعمل ده دعاية يعنى و هى اى كلام زى منتجات شركة ماسل تيك ( نيترو تيك و سيل تيك ) و الحاجات ديه بتعمل نتيجة اه بس مش زى اللى مكتوب على العلبة
و ناس كتير بتيجى تسأل عن الامينو 2222 او امينو ليكويد فيول من توينلاب .. هو مش وحش و لكن مفعوله ضعيف جدا مقارنة بالمكملات الاخرى و فلوس على الفاضى لان البروتين فيه قليل

ايضا الجلوتامين من الاساسيات و لكن واى بروتين اوبتيموم لغى الموضوع ده لانه فيه جلوتامين و امينو كمان يعنى انت مش محتاج غير واى اوبتيموم و كرياتين و مالتى فيتامين و هتعمل احلى شغل

ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فلفل
عضو جديد
عضو جديد
avatar

عدد المساهمات : 46
نقاط : 108
تاريخ التسجيل : 23/02/2011

مُساهمةموضوع: رد: موسوعه المكملات الغذائية ألأصلية و المغشوش بالصور و مواعيد الجرعات    الأربعاء مايو 25, 2011 10:02 pm

يا نهار أبيض دة أنا كنت فاكر إن ألأمينو اسيد دة هو الخلاصة شكرا يا محمد على المعلومات الرائعه
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الزعيم
عضو مميز
عضو مميز
avatar

عدد المساهمات : 173
نقاط : 306
تاريخ التسجيل : 09/02/2011

مُساهمةموضوع: رد: موسوعه المكملات الغذائية ألأصلية و المغشوش بالصور و مواعيد الجرعات    الأربعاء أغسطس 24, 2011 6:53 am

شرح تحفة و معلومات روعه
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حماقى
عضو نشسط
عضو نشسط
avatar

عدد المساهمات : 76
نقاط : 130
تاريخ التسجيل : 09/02/2011

مُساهمةموضوع: رد: موسوعه المكملات الغذائية ألأصلية و المغشوش بالصور و مواعيد الجرعات    الخميس فبراير 16, 2012 8:25 pm

مجهود رائع و معلومات مفيدة جدا شكرا لك
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الصقر
عضو مميز
عضو مميز
avatar

عدد المساهمات : 145
نقاط : 325
تاريخ التسجيل : 21/03/2011

مُساهمةموضوع: رد: موسوعه المكملات الغذائية ألأصلية و المغشوش بالصور و مواعيد الجرعات    الخميس أغسطس 23, 2012 10:09 am

شكرا على الموضوع الرائع و الشامل
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
xlarge
عضو جديد
عضو جديد
avatar

عدد المساهمات : 24
نقاط : 70
تاريخ التسجيل : 10/11/2012

مُساهمةموضوع: رد: موسوعه المكملات الغذائية ألأصلية و المغشوش بالصور و مواعيد الجرعات    السبت نوفمبر 10, 2012 7:32 pm

و الله تستاهل جايزة على الموضوع الروعه دة شكرا يا محمد
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
واحد من الناس
عضو مميز
عضو مميز
avatar

عدد المساهمات : 161
نقاط : 357
تاريخ التسجيل : 23/02/2011

مُساهمةموضوع: رد: موسوعه المكملات الغذائية ألأصلية و المغشوش بالصور و مواعيد الجرعات    الإثنين يونيو 08, 2015 7:22 am

روعه يا محمد شكرا لك
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

موسوعه المكملات الغذائية ألأصلية و المغشوش بالصور و مواعيد الجرعات

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سفنكس :: رياضة و ترفية :: كمال ألأجسام و بناء العضلات-
أخر المواضيع إضغط هنا

إضغط like لنشر موضوعك

عدم النسخ