سفنكس
أهلا وسهلا عزيزى الزائر منتدى سفنكس يرحب بك


رياضة - فيديو - فوركس - تجارة إلكترونية - أخبار - صور - ترفية - العاب -
 
الرئيسيةالبوابةاليوميةس .و .جالدردشةبحـثالمجموعاتالتسجيلدخول دخول
شاطر | 
 

 كافة تمارين كمال ألأجسام و جداول بمواعيد التمارين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohamed
عضو مميز
عضو مميز


عدد المساهمات: 129
نقاط: 293
تاريخ التسجيل: 05/02/2011

مُساهمةموضوع: كافة تمارين كمال ألأجسام و جداول بمواعيد التمارين   الأحد أبريل 24, 2011 2:29 pm

الموضوع عبارة عن حوار بين الكابتن و اللاعب الجديد و هو سؤال و جواب

يا كوتش انا بلعب بقالى 10 سنين ههههههههه متقطع شهر العب واريح اتين او بلعب 6 شهور واريح 4 شهور وهذا وجسمى مش بيزيد !!!!! ايه الحل ؟ وعندك حل يخلينى انزل الصالة من غير ما اكسل حاجة تحفزنى يعنى ؟

اللعبة دى بتاعة استمرار يعنى ما تقولش انا لعب وبطلتل شويه وتستغرب ان جسمك مش بيتحسن امال انته منتظر ايه ؟

الحل انك يا جميل تفضل مستمر فى اللعبة لان جسمك بكل بساطة مش هيحافظ على حاجة انته مش مهتم بيها واحد عضلات جسمه مش بيمرنها الجسم هيخليها ليه لا هيبدا يهدما للحصول على احتياجاته من البروتين والسعرات وده هيسد نفسك عن الاكل وتلاقى حالة جسم اتدهورت وده لان جسم حضرتك محصلة لعوامل داخليه وهى الوراثة وعوامل خارجية وهى الموثرات البيئية واللى بيمثلها لحضرتك التمرين اذا مفيش تمرين مفيش استثارة من الوسط البيئى لجسمك تدفعه للحفاظ على كتله عضليه او زيادتها وانته مش بتتمرن

عايز حل يخليك تنزل الجيم والله دى بقى حاجة ترجعلك انته عايز تتمرن ولا بتدخل الصالة عشان تخرج زهقك وتضحك ولا عايز تبقى حاجة فى اللعبة دى هقولك على ابسط الحلول اختار جيم قريب منك قدر الامكان وظبط التمرين مع واحد صاحبك تحس انه نشيط وبيحب الرياضة وما تظبطش مع واحد كسول يقولك يا عم بلاش انا تعبان وهئانتخ فى البيت النهارده

يا كوتش طيب انا هلعب خلاص بانتظام ممكن جدول تمرين ؟


الاجابة والله التمارين كتير وومكن تختار منهم اى 5 تمارين للعضلة الكبيرة ( البش - الكتف – الظهر – الارجل ) و3 تمارين للعضلة الصغيرة ( الباى – التراى – الرست – السمانة )

عايز تدخل عضلتين فى اليوم ينفع عايز تدخل عضلة واحده برده ينفع طب يرجع لايه ؟ لطبيعه جسم والله بتتعب جامد ومش بتقدر تتمرن وكمان مش بتاكل كويس اتمرن عضلة واحده يعنى دراع فى يوم والبنش فى يوم والظهر فى يوم والارجل فى يوم والكتف فى يوم

عايز تدخل عضلتين ادخل بنش وباى( او تراى ) ظهر وتراى ( او باى ) اكتاف مع رست واخر حاجة الارجل

طيب ايه هو جدول التمارين ؟

كل شهرين غير جدولك يا اما غير اكلك و هدفك بدل ما تضخم خس شوية و احرق دهون و العكس صحيح .. بدل ما بتلعب 12 عدة .. خليهم 8 مش خسران حاجة .. غير عدد المجاميع .. غير التمرينات .. غير الجيم يا جدع انت هتشلنى ليه ههههههههه

و اادى يا سيدى الجداول عشان نخلص منك ! نقى براحتك و ونوع براحتك و كله شغال و تمام و متجيش تقولى طب انا عندى جدول جديد ادينى رأيك عشان هضربك

السبت: بنش و باى
الاحد: رجل
الاثنين: راحة
الثلاثاء: كتف و ترابيس و رست ( ساعد يعنى)
الاربعاء: راحة
الخميس: ضهر و تراى
الجمعة: راحة
---------
السبت: كتف و تراى
الاحد: ضهر و باى
الاثنين: راحة
الثلاثاء: بنش و رس
الاربعاء: راحة
الخميس: رجل و سمانة
الجمعة: راحة

---------
السبت: ضهر و باى
الاحد: بنش و تراى
الاثنين: راحة
الثلاثاء: رجل و سمانة
الاربعاء: راحة
الخميس: كتف و ترابيس و رست
الجمعة: راحة
---------
السبت: بنش
الاحد:ضهر
الاثنين: راحة
الثلاثاء: كتف و ترابيس
الاربعاء:رجل و سمانة


الخميس: دراع كله ( باى و تراى و رست)
الجمعة: راحة



المهم يا عم تهتم بالراحة اكتر من اللعب حتى فى جداول ال 5 ايام و 2 راحة بس .. مش ناس كتير بتمشى بيهم لانهم مبعرفوش يتجنبوا التمرين الزائد اللى هو اوفر ترايننج

اوفر ترايننج مين يا كوتش و الناس نايمين ؟ ايه ده كمان ؟

خش يا سيدى على اللينك ده و انت تفهم و ياريت بلاش كسل و تقرأ للاخر

( هرمون الكورتيزول و اضرار التمرين الزائد فى الجيم ^ اوفر تراينينج ^ )

و أنصحك متزودش عن ساعة فى الجيم و طرق تجنب الهرمون ده

بص يا عم من غير رغى هو 5 تمارين فقط لا غير للعضلة الكبيرة و 3 للصغيرة زى ما قلت فوق هتلعب المهم و الاساسيات بس و فكك من تمارين الكابل و الاجهزة لان كترتها مش مفيدة و مبطلعش عضلات زى البلدى اللى هو بار و دمبل

ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
barakota
عضو مميز
عضو مميز


عدد المساهمات: 130
نقاط: 306
تاريخ التسجيل: 18/02/2011

مُساهمةموضوع: رد: كافة تمارين كمال ألأجسام و جداول بمواعيد التمارين   الثلاثاء يناير 24, 2012 9:34 pm

بارك الله فيك على الموضوع الرائع
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فهد
عضو مميز
عضو مميز


عدد المساهمات: 257
نقاط: 621
تاريخ التسجيل: 02/03/2011

مُساهمةموضوع: رد: كافة تمارين كمال ألأجسام و جداول بمواعيد التمارين   الأحد فبراير 19, 2012 7:44 pm

شكرا على المعلومات الجامدة جدا
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

كافة تمارين كمال ألأجسام و جداول بمواعيد التمارين

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
»  جداول مرتبات ضباط وامناء وجنود الشرطة الجديد

صلاحيات هذا المنتدى:لاتستطيع الرد على المواضيع في هذا المنتدى
سفنكس ::  :: -
أخر المواضيع إضغط هنا

إضغط like لنشر موضوعك

Search Engine Submission
If you wish get high ranking in Google. So you need to check our Link Building Services
عدم النسخ