سفنكس
أهلا وسهلا عزيزى الزائر منتدى سفنكس يرحب بك


رياضة - فيديو - فوركس - تجارة إلكترونية - أخبار - صور - ترفية - العاب -
 
الرئيسيةالبوابةاليوميةس .و .جالدردشةبحـثالمجموعاتالتسجيلدخول دخول

شاطر | 
 

 حلق حوش ؟؟؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
im100h
عضو مميز
عضو مميز


عدد المساهمات : 215
نقاط : 629
تاريخ التسجيل : 09/02/2011

مُساهمةموضوع: حلق حوش ؟؟؟؟؟؟؟؟؟؟؟   الجمعة فبراير 11, 2011 4:58 pm

حلق حوش- إمسك حرامى...خطف اللقمه من قدامى
دى كانت لقمه ياريتها رغيف...سرقتها حكومتك يا نظيف
كنت عاملى تملى شريف...وحكومتك نازلين تنضيف
شباب فى بطاله مفيش توظيف...واتأخرنا فى التصنيف
بالذمه مش مكسوف يا طويل ... تلات قصور لك فى النخيل
لا إنت مصرى ولا ابن النيل...كان باين ان انت عميل
فى السياحه جبت جرانه...خد اللى قدامنا وورانا
بس فايق للوسامه...سرق الأراضى بابتسامة
بدل المبانى للإقامه...بقى منتجعات لللمامه
حتى انت يا عم رشيد...هى ناقصه الهم يزيد
شعبنا عامل ترشيد... وانت الثروه يوماتى تزيد
وانت يا عم مغربى ...كان شقه صغيره مطلبى
فاكر إن شبابنا غبى ...ربنا ياخدك بحق جاه النبى
بس منفوخ ع الفاضى...وزعت ببلاش ياما أراضى
هنحاسبك على كل الماضى ...واستنى بقى حكم القاضى
شعب مصر فى وزارة الصناعة...باعوه وماعتش عنده مناعه
باعونا وقالوا خصخصه...أكلوها لحم وسابولنا المصمصه
ناس ع الحرير وناس نايمه مقرفصة...ما هى قرطسه..تكتيفه وممنوع الفلفصه
حطوا علينا الف قيد...مها اقول ومها اعيد
خنقوا كل نبض جديد ...باع البلد عاطف عبيد
وزعها تركه بايديه شمال ويمين...ومنها حديد الدخيله يا مصريين
خد عز قرض مليار واشترى حصه العاملين...وبعدها انطلق ملايين وراء ملايين
هو مين ؟هو إبن الصهونيه...امه صحيح إسرائيليه
أبوه كان لواء فى النكسة ...واتجوزها وخلف وكسه
ابوعين باكسه...مبيحبش مناقشة أو معاكسه
طاووس وطايح فى المزرعه...رغم صغره متجوز أربعه
خديجه وسكرتيرته بحلاوتها....وزاغت عينيه على صاحبتها
مال وسلطه وانحلال...والرابعه شاهيناز النجار
المهر 25 مليون...والشعب غرقان فى الديون
طبعا حديد والوزن تقيل...خدته وبعته لاسرائيل
ربنا يلعنكوا فى كل كتاب...وربنا يبارك فى الشباب
انتو الثروه وهم الثوره...اكتب يا تاريخ اعظم مناورة
هم تاريخ مصر الجديد...هم ومعاهم جريح وشهيد


أ/م
صطف
ى فتحى
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

حلق حوش ؟؟؟؟؟؟؟؟؟؟؟

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سفنكس :: منتدى الحوار العام-
أخر المواضيع إضغط هنا

إضغط like لنشر موضوعك

عدم النسخ