سفنكس
أهلا وسهلا عزيزى الزائر منتدى سفنكس يرحب بك


رياضة - فيديو - فوركس - تجارة إلكترونية - أخبار - صور - ترفية - العاب -
 
الرئيسيةالبوابةاليوميةس .و .جالدردشةبحـثالمجموعاتالتسجيلدخول دخول

إرسال موضوع جديد   إرسال مساهمة في موضوعشاطر | 
 

 رساله لنفسي قبل ما تكون ليكم يا شباب مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mshmsh
عضو ذهبى
عضو ذهبى


عدد المساهمات : 353
نقاط : 1059
تاريخ التسجيل : 11/02/2011

مُساهمةموضوع: رساله لنفسي قبل ما تكون ليكم يا شباب مصر   السبت فبراير 12, 2011 12:40 am

انا مش من مناصرين مبارك لكن عايز اقول وجهة نظري اللي اعتقد انها في مصلحة بلدي و وجهة النظر دي مجرده من اي اهواء شخصيه

تعالوا نتخيل لو مبارك مش فعلا دلوقتي ايه اللي هيحصل
اول حاجه هنكسر الشرعيه بايدينا و هنبئه عراق اخر لان الطبيعي ان مفيش شخص بيجمع عليه الكل
و بالتالي ايا كان مين الرئيس اللي هييجي هيخرج عليه معارضون في ميدان التحرير و يطلبوا رحيله و نبفضل كل شهرين نغير في ريس و ندخل في دايره مفرغه
طيب دلوقتي اللي منتشر بينا سياسة التخوين كل مطالبي مبارك بالرحيل يتهموا كل المناصرين بأنهم مأجورين و العكس حاصل بردو
طيب اللي يحكم بينا ايه؟؟؟؟
اننا نأعد في ميدان التحرير و نعطل مصالح بلد بحالها؟؟؟
و لا اننا ننزل المؤيد و المعارض في ساحة قتال مع بعض؟؟؟
عايز اسأل الناس اللي مصممه تمشيه دلوقتي فين حرية الرأي و التعبير اللي بتطالبوا بيها
كل المعارضين بيقولوا احنا 8 مليون او اكتر
طب فين حق باقي الشعب في الاختيار
ليه منهداش و لو للحظه و نفكر في الرأي و الرأي الاخر و نحترمه و نتخطي الشرعيه بشيء مقبول و هو عمل استفتاء برقابه دوليه علي الرأيين المؤيدين لاكمال مبارك ولايته و المعارضين و اللي بيطالبوا برحيله الفوري
بناشد الشباب العاقل متسمعوش لأي رأي بيحاول يصفي حساباته الشخصيه مع الريس عن طريق شعب بالكامل
و الله الناس دي اكتر ناس بتشيل ذنوب دلوقتي
عايز اقول ان في ناس من اللي مصممين انه يمشي فورا عايزين كده بهدف انه لو كمل السبع شهور دول انه هيعتقلهم و الله دي سذاجه و غير انها سذاجه بردو بتندرج تحت بند المصلحه الشخصيه
و في منهم اطياف تانيه كتير زي اللي واخد الموضوع عند و بيقول الريس اتأخر في الخطاب اللي قاله و انت كنت مين عشان تحاسبه علي التاخير؟؟؟!!!!
احنا وصلنا نفسنا للتدخل الاميركي الصريح و ده مش حبا فينا
هما صبروا و فضلوا مؤيدين لمبارك لحد ما حسوا ان الاخوان ممكن ياخدوا الحكم و مبارك مش عارف يتصرف معاهم و ده طبعا ضد مصلحتهم و مصلحة اسرائيل قالك يمشي و هما اللي يظبطوا الموضوع بئه
يا شباب احنا سواء مؤيدين او معارضين بمجرد ما بنطلب بتغييرات فوريه بنديلهم الضوء الاخضر و الصلاحيه في التدخلات
هتكون فين كرامتك يا مصري لما تجيلك قوات امريكيه يحكموك سنتين او يولوا عليك حكم اخر مناهض لسياستهم
بالله عليكم اوعوا تسمعوا لرأي المنافقين و مشاهير المجتمع
و اسألوا نفسكم لو دول كانوا اتسألوا علي مبارك من شهر كانوا هيردوا يقولوا ايه
و بالنسبه للي عملوا الاخوان امبارح
هما لقوا ان المعارضه هتتحاور مع الرئيس و هما ملهومش تمثيل صريح و بالتالي كانوا هيطلعوا من التورته و معروف ان اي نظام هييجي سواء مؤيد او معارض مش هيسبهم و ده التاريخ بيثبتو
قالك نقلب الترابيزه عالكل
نصيحتي لكل شاب زيي بخصوص يوم الجمعه
سواء كنت معارض او مؤيد احتفظ برأيك اليوم ده و متضحكش عدوك عليك
لان المشكله اللي حاصله ان الصراع مش بين فئتين مختلفتين
لا اسود ولا ابيض
يعني هتنزل تدمر و انت مش عارف بتدمر في ايه و في مين بالظبط
ولو حتي كنت عايز تنزل عشان تنشر الخير و تحوش بين المؤيدين و المعارضين
الزم بيتك لان هتنزل هتبقي في الاعلام من ضمن العدد اللي بيتخانق و هيبقي اللي حاصل شر كنا عايزين بيه خير
متشوفش حد بيقول راي غلط او مش فاهم كل الجوانب و تقول مليش دعوه لأ لازم تفهمه لانه انهارده بيقول راي غلط بدون فهم و هو في بيتك او منطقتك بكره هيكون علي ارض الواقع و هيكون سبب في الوقيعه اكتر
حاولوا تكونوا ايجابيين بتعقل يا شباب
النار لما هتأيد هتولع في الكل مش هتختار مؤيد او معارض و انتوا عارفين اصدي
انا من ابناء 25 يناير و من ابناء اتنين فبراير اللي كانوا خايفين علي اخواتهم و اهلهم مش اللي اعمتهم عواطفهم و خلتهم يحتكوا باخواتهم
بس نفسي كلنا نبقي في الوقت ده ابناء مصر لا تيار سياسي و لا ديني
مصر هي هدفنا دلوقتي و مصر بتضيع
و ده اللي خلاني ادخل المنتدي ده تاني عشان عايز انشر كلامي و نصايحي دي لكل اخواتي في البلد دي
عايزين نبنيها تاني بالعدل بالتعقل بالنظام بالشرعيه بالسلام
من غير ما نستنه دوله تانيه تدخل تحكمنا سنتين
و ساعتها هنبقي خسرنا كل حاجه
و افتكروا الايه الكريمه
بسم الله الرحمن الرحيم
{وَإِنْ طَائِفَتَانِ مِنْ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ } [سورة الحجرات: 9].

ربنا لا تؤاخذنا بما فعل السفهاء منا، ربنا لا تؤاخذنا بما فعل السفهاء منا، ربنا لا تؤاخذنا بما فعل
الس
فهاء منا
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

رساله لنفسي قبل ما تكون ليكم يا شباب مصر

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سفنكس :: منتدى الحوار العام-
إرسال موضوع جديد   إرسال مساهمة في موضوع
أخر المواضيع إضغط هنا

إضغط like لنشر موضوعك

عدم النسخ