سفنكس
أهلا وسهلا عزيزى الزائر منتدى سفنكس يرحب بك


رياضة - فيديو - فوركس - تجارة إلكترونية - أخبار - صور - ترفية - العاب -
 
الرئيسيةالبوابةاليوميةس .و .جالدردشةبحـثالمجموعاتالتسجيلدخول دخول

شاطر | 
 

 ¨°o.O يوميات عاطل O.o°"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mshmsh
عضو ذهبى
عضو ذهبى


عدد المساهمات : 353
نقاط : 1059
تاريخ التسجيل : 11/02/2011

مُساهمةموضوع: ¨°o.O يوميات عاطل O.o°"   السبت فبراير 12, 2011 2:00 am

يوميات عاطل الشحات @ فى المصيف @




اللهم صل وسلم وبارك على نبينا محمد وعلى آله وصحبه وسلم تسليما كثيرا






هاى اهل كول الكرام دى يوميات واحد عاطل بتحصلو حجات غريييبه جدا
و ان شاء الله يبقى متجدد



@عاطل فى المصيف@
ها هو فصل الصيف يدخل على المحروسة مبكرا كعادته فى السنوات الأخيرة ... وها هو ايضا يهل علينا بحرارته العالية , وشمسه الجامحة فى ربوعها , ورطوبته التى تبعث على النشاط !!
وطبعا معظم الناس بتشد العزم على أقرب مصيف ... اللى معاه ( بيصيف ) ... واللى مش معاه بيبقى ( عايز يصيف ) !!!
المهم ان رغبة المصيف بتبقى عند الكل .. مع الاختلاف بقى بين اللى بينفذ الرغبة ومن لا يستطيع تنفيذها !!
وطبعا والدى العزيز من الصنف التانى ..
لكن أمى كحال كل ستات البيوت فى مصر ... من الستات اللى ممكن يجبروا الراجل يبيع عفش البيت ويتداين لدى الناس لمدة شهور للأمام عشان المصيف !!
وطبعا انا كحال كل الابناء .... احاول بشتى الطرق مساعدة الوالدة فى أقناع الوالد بهذا الأمر ... ماهو مش احنا اللى هانتداين !!! ... ابويا هو اللى هايشيل الطحين بعد مايرجع من المصيف !!
المهم ... لكم هذا الحديث الذى دار بينى وبين والدى من أجل هذا الموضوع ... موضوع المصيف !!!
فى البداية دخلت على الوالد دخلة الشاب المحترم الذى مهما طال به العمر سيظل محترما لوالديه وطائعا لهما مهما كبر ... فلن يكبر عليهما !! .. وبدأت فى التحدث وانا اضع رأسى ارضا وبصوت منخفض ...
انا : مساء الخير يا سى السيد !!
ابويا بأستغراب : سى السيد ؟؟ ... عايزه ايه يا فؤاده ؟!!!
انا ببلاهه : عايزين نصيف ياسى عتريس !!
ابويا بصوت عالى : لأ يابا ... مش انا !!
انا ببلاهه أكثر : مش انت عتريس ؟؟؟؟
ابويا : لأ يا خفيف ... مش انا اللى اصيف ... مش انا ... مش انا ... مش انا !!
انا : هو ايه اللى مش انا .. مش انا ... هو انا بقولك تعالى نروح نسكر فى كباريه ؟؟
ابويا : العن .. طب الكباريه ... آخرنا هانصرف فيه 100 ولا 200 جنيه هناك ... انما مصيف يعنى 1000 ولا 2000 جنيه هناك !!
انا : يابا ده كل سكان العمارة طلعوا يصيفوا ... عم هشام جارنا طلع يصيف فى راس سدر مع انه عنده 5 عيال ... وعم سيد بارضو طلع البحر الاحمر وواخد معاه امه وحماته يعنى راجل بينتحر مش بيصيف .... ده حتى عم عبده البواب خد جماعته وطلع شلالات نياجرا !! ... مفيهاش حاجة يعنى !!
ابويا : بقى عم عبده خد جماعته وطلع شلالات نياجرا ؟!!!
انا : آه ... شلالات نياجرا اللى فى الفيوم بتاعة منة شلبى فى فيلم واحد من الناس لما كانت عايزه تطللعها مع كريم عبد العزيز بس ماتت قبل ماتطلعها !!
ابويا مستطردا بأسى شديد : آه .. بس الوغد كمال ابو العزم مادهاش فرصة تصيف ... خلى رجالته يخلصوا عليها عشان ينتقم من كريم عبد العزيز ... ومن ساعتها كريم عبد العزيز اتقلب مجرم ... وهما اللى جعلوه مجرما ... هما اللى جعلوه مجرما ... هما اللى جعلوه مجرما !!
انا : خلينا فى موضوعنا .. ياعم فريد يا شوقى !! ... هــــا هانصيف فى سنتنا دى ولا لأ
امى مقتحمة علينا باب الغرفة : وافق بقى يابو السيد !!
وأبويا : بسم الله الرحمن الرحيم ... انتى طلعتى منين ؟!!
امى مكمله حديثها غير مبالية : ورحمة منة شلبى فى الفيلم لا توافق يابو السيد ...
ابويا : حلفتينى بالغالية !!
انا بلهفه : بجد ؟؟ ... يعنى موافق ؟!!!!
ابويا : خلاص مادامت دى رغبتكم ... أذن الى جمصة !!
انا وأمى مصدومين : ايـــــــــــــــــه !!
انا : طول عمرك نزيه يا حاج !!
امى : انا مش مصدقه نفسى ... آخيرا هاشوف جمصة اللى طول عمرى كنت بحلم بيها ... واشوفها كدة على الطبيعة !!
انا : جمصة هى اللى بتحلمى بيها طول عمرك يا ماما ؟؟؟؟
امى : آه يا بنى دى جمصة دى مصيف العظماء ... كانت ستك ليلى مراد ليها فيلا هناك ولازم تروحها كل سنة ... اومال ايه !!
انا مبديا الاقتناع التام : ياااااااااااه ... مسلية جمصة دى بقى على كدة ؟!!!
ابويا : ايوه يابنى ... دى فيها بحر لو عومت فيه ماتجيبش آخره !! ... حاجة عظمة كدة !!
انا بتريقه : يا سلااااااااااااااااااااام !!
امى : انا حاسة انى هايغم عليا !!
انا : قصر الكلام ... عشان انا اعصابى ماعديتش تستحمل ... خلاص ... جمصة جمصة ... بينا على جمصة !! .. وفى سرى : انا اللى جبته لنفسى
على شاطىء المدينة الساحلية التى أبهرت العالم أجمع ببحرها الواسع اللى قال عنه والدى مقولته الشهيرة ( لو عومت فيه ماتجيبش آخره !! ) ... حيث كانت احد الكافتريات خلفنا مشغلة أحدث وأرقى أغانى 2008 والتى كانت كلماتها تقول : قوليلى ايه يا مرايتى ... قوليلى ايه حكايتى ... تكونشى دى نهايتى ... وآخر قصتى !! .. والطريف ان صاحب الكافتيريا حاطط صورة لعبد الباسط حمودة وكاتب تحتيها : صاحب الصوت العذب والاحساس الرقيق .. صاحب الـ 3 ميوزك آوورد !!!!
الامه نرجع لموضوعنا ... بعد ان ذهبت امى لتحضر لنا الغدا فى العشة اللى أجرها لنا والدى بـ 5 جنيه فى الليلة ( طبعا من تمن الايجار ممكن انتوا تتخيلوا منظر العشة !!) .. جلست انا ووالدى على الشاطىء .. وأتكأ والدى على الكرسى القماش الخاص بالشواطىء وكلتا يديه خلف رأسه وواضعا رجل على الأخرى ملعبا صباع رجله الكبير ... وأخذ يتحدث الىً وهو ناظرا الى البحر ...
ابويا : يا سلام على ده منظر ... حاجة كدة تجلى الصدر ... بحر ازرق صافى ( مع ان البحر كان كله زيت وكأننا واقعين فى طاسة قلية !! ) ... ورمال ناعمة ( مع ان بارضو الرملة ماكانتش باينة من كتر الزبالة وبواقى الأكل اللى الناس رامياها !! ) ... وحريم تهبل ( مع ان بارضو الستات كلها ارفع واحدة فيهم وزنها يتعدى الـ 100 كيلو !! ) ... حاجة فى منتهى الجمال !!
انا : حريم ايه بس يا حاج ... دول شكلهم من خفر السواحل .... يابا ... انت ماشوفتش الحريم بتوع اوروبا ... حريم يقولوا للقمر وسع شوية وانا أقعد مطرحك !!
ابويا : وسع شوية ؟؟!!!! .... يابنى بتوع اوروبا دول عاملين زى عرايس المولد .. جمال صناعى يعنى .. انما المصرييات دول سايبين نفسهم للطبيعة تفعل بهم ما تشاء حاجة كدة ربانى فى ربانى ...
انا : يعنى انت عايز تقوللى ان واحدة زى مارلين مورنو دى مش جمال ربانى ؟!!
ابويا : طب بذمتك انت ... مارلين مورنو ولا منة فضالى ؟!!!
انا بأزبهلال : ايه ده ؟؟ ... انت تعرف منة فضالى يا حاج !!
ابويا : اووووووووه .. يابنى انا اشوف الجمال من على بعد اميال ... بس الزمن بقى ... طب ده وانا صغير كنت اشوف البنت الجميلة مرة واحدة بس .. ومايروحش شكلها من دماغى خالص ...
انا : على كدة بقى ... انت كنت شقى قوى وانت صغير ياحاج !!
ابويا : انت بتقول فيها ... كلام فى سرك ... انا وانا صغير كان نص بنات الشارع يتمنوا انى اعرفهم ...
انا : لا صايع !!
ابويا : نعم ؟؟
انا : لا مفيش ... كمل !!
ابويا : كان نفسى تطلع واد واعى ومدردح كدة ... حتى اقدر اعتمد عليك ... مش كل ما اكلفك بموضوع تغرق فى شبر ميه ... انا مش عارف انت طالع خيبان كدة لمين ....
انا بمنتهى البلاهه : لا وشرفك ... ده انا مدردح على الآخر ... بس انت ماتعرفش حاجة ... ده انا حتى خلاص قربت افتح بيت دعارة بأسمى .. !!
ابويا : نعم يا خويا ؟؟؟؟ ........
انا متهربا : آ .. آحم ... لا مفيش ... بقول ايه انا نازل البحر ...
ابويا : استنى انا هانزل معاك !!
انا : ايه يا حاج ... الموج عالى ... وانت يعنى سنك مابقاش يسمح ... و...
ابويا مقاطعا : سن مين ياض ... انا لسه فى كامل صحتى وشبابى ...


وهوب راح ناطط ابويا فى الميًه !!
وقفت اكمل الساندويتش التصبيرة اللى فى ايدى قبل ما أنزل الميًه ... عشان طبعا لو سبته على الكرسى هارجع مش هلاقيه !!
المهم وانا بنط من فوق صخرة عالية فى البحر نزلت على حد تحتيى ... قعدت اشوف انا نزلت على مين مالقيتش حد !! ... قولت يمكن كيس زبالة كان حد راميه فى البحر ولا سمكة قرش وخافت لما خبطت فيها وجريت مثلا ... يمكن !!
بعد مرور دقيقة واحد فقط ...
الشاطىء كله : غرييييييييييييييييق .... غرييييييييييييييييييييييق !!!

======================

الطبيب بعد ان لمينا عزالنا ورجعنا تانى يوم لأبويا : لازم الراحة التامة لمدة اسبوعين فى الفراش يا حاج لغاية ما الدوخة دى تروح و تستعيد صحتك مرة تانية ... عشان الخبطة اللى اتخبطها على دماغك كانت شديدة !!
امى بعد ان رحل الطبيب : سلامتك يا بو السيد ...
انا ببراءة : سلامتك يا حاج ... بس هو ايه اللى حصل ؟!!
ابويا : انا مش عارف ... انا بعد ما نطيت فى الميًة والدنيا كانت حلوة وأحلى سنين ..
امى مكملة : بنعيشها واحنا ياناس عاشقين !!
ابويا : فجأة ... خير اللهم أجعله خير ... لقيت كرسى انتريه نازل عليا !! ... وهوب مادريتش الا وانا هنا دلوقتى
انا مصدوما بعد ان فهمت اللى فيها : ايه ده ؟؟ ... هو انت اللى كنت تحتى ؟!!!
طبعا بعد هات وخد ووضوح الأمر جليا امام الجميع ... اطلق والدى كلمته الشهيرة :
بــــــــــــــــــــــــــــــــــرة
لكن المرة دى قالها وغاب عن الوعى
ووللأسف مش هاعرف ابات عند عم عبد البواب لأنه راح يصيف ... وقال ايه .. كاتب على باب الأوضة بتاعته ... سافر عم عبده وجماعته فى رحلة سفارى الى شلالات نياجرا ... انتظرونا بعد العودة !!
يعنى النومة المرة دى على الرصيف رسمى !!

ماحدش معاه بطانية مش لازماه يحدفهالى من البلكونة !!

آآآآآآآآآآآآآآآآآآآآآآآآآآآآآآآآآآآ
آه
ضع تعليق بحسابك فى الفيس بوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

¨°o.O يوميات عاطل O.o°"

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سفنكس :: منتدى الحوار العام-
أخر المواضيع إضغط هنا

إضغط like لنشر موضوعك

عدم النسخ